Finance Minister in SIMsePAY (mobile wallet) a tlangzarh

Finance Minister, Lalsawta chuan nimin khan Aizawl-a I&PR Auditorium-ah SIMsePAY (Mobile wallet) a tlangzarh a, he hunah hian Health Minister, Lal Thanzara chuan PACS Documentary Film a tlangzarh nghal bawk.

He hunah hian Fi-nance Minister chuan SIMsePAY (mobile wallet) chu Smart Phone hmang lo leh internet connec-tion neilo te tan pawha mobile phone pangngai hmanga indawrna, leh pawisa inthawn theihna (digital banking services) anih thu sawiin, phone \ha lei theilo te tan leh hmun kilkhawr zawk, internet connection \hatlohna hmuna awm te tan a \angkai lehzual tur thu a sawi a. Sorkar laipui in Cashless Economy kalpui tura hma a lak mekna nen pawh a inhmeh hle tih a sawi bawk.

SIMsePAY hi Mizoram Cooperative Apex Bank leh YES Bank \angkawpin siam a ni a, He mobile wallet hmang hian Apex Bank-a account neite tan mobile phone eng chi pawhin internet connection awm lohna hmunah pawh phone signal hmangin khawi hmunah leh engtik hunah pawh banking transaction an ti thei dawn a. SIMsePAY atan hman tur Wafer SIM hi Apex Bank Branch a\angin Apex Bank Account neite tan a thlawnin a lak theih a ni. Nimin a he hun hmanna ah hian SIMsePAY hman dan tur zirtirna presentation chu neih nghal a ni bawk.

He hunah hian Health Minister, Lal Than-zara chuan Primary Agriculture Credit Co-operative Societies (PACS) Documentary Film a tlangzarh bawk a. Minister chuan PACS hmalakna te chu fakawm a tih thu sawiin, hmun kilkhawr zawk, Bank la awmlohna hmunah Bank ang chiaha sum khawlna, Deposit leh Loan te an lo pechhuak \hin chu lawmawm a tih thu a sawi bawk. Mizoram hmung hrang hrang ah Apex Bank hnuaiah PACS 26 din tawh niin, he Documen-tary Film-a tarlan, Teikhang PACS- ah bik hian depositor 293 an awm a, Loan mi 128 hnenah pekchhuah tawh a ni.