Zokhawthar-ah Land Custom Station hawn a ni.

Union Minister of State for Commerce and Industry Pi Nirmala Sitharaman chuan nimin India leh Myanmar insumdawn tawnna tur Zokhawthar Land Custom Station chu a hawng.

He hunah hian Nirmala Sitharaman chuan Zokhawthar Land Custom Station Building hawn a ni ta chuan Prime Minister, Narendra Modi leh NDA sorkar in hmarchhak bialte a ngaih pawimawh zia a tilang a ni, ti a. NDA sorkar chuan hmarchhak bialte harsatna tawh \hin chu a hriatpui a, chak zawka hma an sawn theih nan Mission Mode kalpui a ni tih a sawi. Union Minister chuan Myanmar nena insumdawntawnna hmarchhak state pali a kalpui mek chu Myanmar sorkar duhdan anga kalpui a ni a, heti chung hian a hlawhtlinna hmuh chhoh mek zel a ni a, heta \ang hian sorkar kumthar 2015-16 lo awm turah US Dollar tld. 3 chuang hmuh beisei a ni tih a sawi a. Zokhawthar Village Council hruaitute ngen angin Zokhawtharah State Bank of India leh Post Office hawn a nih tur thu a sawi bawk.
    He hunah hian Mizoram Chief Minister, Lal Thanhawla pawhin Zokhawthar Land Custom Station Buliding hawn a ni ta chu lawmawm a tih thu a sawi a, UPA hunlaiin a hawngtu tur Minister an sawm chhuak thei lo tih sawiin, NDA sorkar in a ngai pawimawh chu lawmawm a tih thu a sawi a. Mizo mipui leh sorkar aiawhin, Nirmala Sitharaman chungah lawm thu a sawi bawk. Zokhawthar Land Customs Station-ah hian a building pui ber leh thawktute quarter leh Rest House bakah Weightbridge, Plant Quarantine building leh Toll-gate a awm a. India leh Myanmar inkarah hian insum-dawntawn theih chi hrang hrang (commodity) 62 phal a ni.