Assembly Budget Session tluang taka zawhfel a ni

Ni 7 chhung neih a nih hnuah Mizo-ram Legislative Assembly Budget Session chu nimin khan zawhfel a ni ta a. Session neih chhung hian harsatna awm lovin Sorkar a\anga lut bill 7 pass vek a ni.

Kar kalta Thawhlehni (March, 17, 2015) a\anga neih Mizoram Assembly 7-na, \hutkhawm vawi 5-na neih chhung hian Mizoramin sorkar kum thar April a\anga July thla chhunga sum a hman tur Vote on Account hmanga pass a ni a, kum ral tur 2014-2015 chhunga sum indaihlohna phuhrukna tur Supplimentary demand pawh pass a nih bakah Sorkar a\anga lut Bill 7 pass vek a ni a, heng zingah hian dan thar, 'The Mizoram Right to Public Services Bill, 2015' pawh a tel a, he dan hi mipuiten sorkar a\anga an thil dawn tur leh an hmuh turte hun bi tiam chhung ngeia an hmuh theihna tur a ni. Private Member's Resolution lut zingah T. Sangkunga putluh 'Zofate inpumkhatna daltu chu engmah tih ni lo rawh se' tih chu House hian lungrual takin a pass a, House dawhkanah lehkha pawimawh 13 leh report 11 pharh a ni a. Session \anni-a Governor-in House-a thu a sawi chungchanga lawmthu sawina Motion, Vanlalawmpuii Chawngthu putluh chu Member ten lungrual takin an pawm bawk. Session chhung hian House chhunga chhan hi Starred question 122 pawm zingah 37 chu House chhungah chhan a ni a, ziaka chhan chi unstarred question 17 pawm a ni a, zawhna zawng zawngte Department ten an chhang kim vek a ni.