Kum 2014-ah Police ten thubuai 75 ziaklut

Nikum (2014) chhung khan Serchhip Police Station-ah thubuai 75 ziahluh a ni a, thubuai ziahluh zingah hian rukruk thubuai a tam ber a ni.

Serchhip Police Station a\ang thudawnna in a tarlan danin nikum chhunga Serchhip Police Station-a thubuai ziahluh 75 zingah hian rukruk thubuai tam berin 29 zet a awm a, heng bakah hian In rawk thubuai 12 ziahluh a ni bawk a, pawngsual thubuai 7 zet ziahluh a ni bawk. Kum 2014 chhung khan lirthei chetsualna ah thubuai 5 ziahluh niin lirthei chetsualna 4 ah thihna a thleng bawk a. Kangmei chungchang leh buaina siam chung-chang thubuai 3 ve ve ziahluh niin tualthah na chungchang, mi In-a luhruk, leh mi tihnat chungchang ah thubuai 2 ziahluh a nih bakah MLTP Act hnuaiah thubuai 2 ziahluh a ni bawk a ni. Heng bakah hian Motor Accident thihna thleng lo, mi pawisa laksak, mi nunna atana hlauhawma che, ruihhlo vang leh naupang chunga hleilenna avanga thubuai ziahluh a ni bawk. Kum 2014 chhunga thubuai ziahluh 75 zingah hian thubuai 48-ah chargesheet thehluh a ni tawh a, thubuai chhui zui mek 26 a awm bawk a ni. Kum 2014-a Serchhip Police Station-a thubuai ziahluh hi a hma leh kum (2013) a thubuai ziahluh aiin pakhat a tamin kum 2013 khan thubuai 74 ziahluh a ni.