Hunpui denchhena Kawn chawimawi te chawimawina hlan.

Kum 2014 Krismas Kumthar (2015) denchhena Aizawl khawpui huamchhung Veng hrang hrang cheimawi te enfiah a nih hnuah a ti\hate hnenah Home Minister, R. Lalzirliana chuan nimin khan ‘Certificate of Appreciation’ a hlan.

He hunah hian Home Minister chuan Veng leh Kawn cheite hi Krismas leh Kumthar lawmna peng pawimawh tak a lo ni ta tih sawiin, mite ti hlimtu leh ti phurtu lo ni chho zel thei sela a duh thu a sawi a. Mizoten kawng hrang hrang in hma kan sawn chho zel tih sawiin, “Tunah chuan Kawn cheina hmun a zu rui buai leh buaina siama insual an awm tlem tawhin, zu in chu an awm, mahse mi pawisawi hlau takin an awm a. Krismas leh Kumthar kan hman dan result pawh a fim sawt hle a ni,” a ti bawk. Vengchhung chei endikna hi category A, B leh C ah te \hen a ni a, Category A ah Bethlehem, Armed Veng, Chanmari, Saikhamakawn, Kulikawn, Khatla, Bungkawn, Bawngkawn South, Chaltlang leh Ramhlun North ten Rs. 10,000/- \heuh an dawng a; Category B ah Bethlehem Vengthlang, Chhinga Veng, ITI, Zarkawt, College Veng, Bawngkawn, Durtlang Leitan, Tuikhuahtlang, Thakthing, Mission Veng ‘S’, Hlimen, Chawnpui leh Dinthar ten Rs. 7,000/- \heuh dawngin; Category C-ah Electric Veng, Salem, Maubawk, Vaivakawn, Luangmual (Chhangurkawn), Sakawrtuichhun, Zotlang, Melthum, Mission Vengthlang, Mission Veng ‘N’, Venghlui, Sihphir Arpu Veng, Sihphir Venghlun, Durtlang Mual Veng leh Saron ten Rs. 5,000/- \heuh an dawng bawk a. Armed Veng, Kulikawn, Mission Vengthlang, Khatla leh Bethlehem Veng ten Concert an siam avangin Rs. 16,000/- \heuh an dawng bawk.