Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

Election Observer in Serchhip District a rawn tlawh.

Electoral Roll Special Summary Revision neih meka Serchhip District tana Observer tura ruat, Zothankhuma, IAS chuan nimin Jan. 13, 2015 khan Serchhip District-a Electoral Roll Special Summary Revision a rawn enfiah a, chawhnu dar 1:00 khan Serchhip District Addl. DC, VL Remliana, MCS Pisa-ah official pawimawhte a kawm nghal bawk.
He hunah hian Observer chuan Serchhip District chhunga Electoral Roll Special Summary Revision kalpui dan chu felfai a tih thu leh lawmawm a tih thu a sawi a, Electoral Roll buatsaih fimkhur a \ul zia officialte hrilh nawn in harsatna lian tham awm lova tluang taka an zo fel thei chu thil lawmawm tak anih thu a sawi bawk. Foreigner te chungchang sawilangin Observer chuan, “Mi tu pawh India ram chhunga piang an nih chuan an nu leh pa te Foreigner pawh nise anmahni chu ‘Citizen by Birth’ an nih avangin India khua leh tui dik tak an ni,” a ti a, India rama awm nghet tawh India khua leh tui ni duh chuan Dan kaltlangin India khua leh tui nihna an dil theih thu a sawi bawk.
    He hunah hian Lalhmansanga, MCS, Election Officer, Serchhip District chuan Electoral Roll chu a hun taka tarchhuak turin engkim peihfel vek anih tawh thu a sawi a, Official te, NGO te leh mipuite thawhhona \ha tak avangin tluang tak leh harsatna lian tham awm lova hna an thawh theih thu sawiin lawmthu a sawi bawk. Electoral Roll Special Summary Revision neih mekah hian Final Electoral Roll kimchang hi January ni 15, 2015 ah mipui vantlang en theih turin tarchhuah a ni ang.

Comments

Popular News (Last 30 Days)