Latest News

Zirtirtu pek phutna kal zelah Tripura panna kawng dan tum.

Mamit District chhunga Zawlnuam High School pahnihin Science zirtirtu an neih loh avanga niminpiah July 1. 2014 a\anga lungawi lohna an lantir chu nimin khan chhunzawmin karleh Thawh\anni hian Mizoram leh Tripura inkal pawhna kawngpui dan pin an tum. Zawlnuam MZP hruaitute hnen a\anga thu dawn danin, Zawlnuam a Govt. Borai High Shool leh Govt. KR High School te chuan hun rei tak chhung Science zirtirtu an nei lo a, June thla chhunga Science zirtirtu an neih loh chuan First Term Exam boycott ni se an tih chu an hun tiam chhunga sorkar in Science zirtirtu a pek loh avangin niminpiah khan zirlaite chu class nei lovin school-ah an kal a ni. Govt. KR High School hian Aug. 1, 2012 a\ang khan science zirtirtu nei lovin, Govt. Borai High School hian May 1, 2012 a\angin an nei tawhlo bawk niin MZP Zawlnuam chuan an sawi a. Heti chunga sorkar-in a ngaipawimawh lo chu hriatthiam harsa an tih thu pawh sawiin, zirlaite'n Science zirtirtu neih phuta Class an kal lo chu an thlawp thu an sawi a, sorkar-in a ngaipawimawh lo lutuk chu an duh loh zia lantir nan tun thla ni 7 hian Mizoram leh Tripura inkal pawhna kawngpui, National Highway No. 44(A) chu darkar 48 chhung danpin an tum thu an sawi a ni.

Comments

Popular News (Last 30 Days)