Latest News

VC \hen turin ruahmanna kalpui mek a ni

Nakum-a Mizoram Village Council inthlanpui neih hmain Serchhip-a VC \henkhat chu \hen tum niin hemi atan hian hma lak mek a ni. Serchhip Town chhung (Chhiah-tlang tello) ah hian VC 6 awm mekin tunhnaiah Veng hrang hrang ten VC thar hi dil hlawmin Serchhip-I VC a\angin Field Veng, Ramthlun leh Saron Veng te inkawp chuan VC \hen an rawt a, Serchhip Kawnpui South Branch YMA chuan VC hrang hrang 3 hnuaia awm lovin Bazar huam tur VC thar siam an rawt bawk a. Serchhip-IV VC a\angin Chanmari leh Hmar Veng ten VC hrang neih beiseiin New Serchhip VC chu VC pahnih ah \hen rawtna hi a awm mek bawk a ni. Hetianga VC \hen rawtna awm mek hi sorkar lam a\angin LAD-a thawktute chuan zirchianna nei tawhin, Serchhip-a Ruling party, Block Congress Committee OB leh VCP te tunhnaia \hukhawm pawhin VC \hen chu a thuphungin an pawm tawh bawk a, hei hi zirchiang lehin Block Congress Committee Executive \hut-khawm ah ngaihtuah leh nise an ti a ni. Hetihlai hian VC \hena VC siam dilna awm zingah Serchhip-I VC chuan an area chu \hen a \ul rihlo an ti thung nia thudawn a ni a, Serchhip-III VC te chuan an huamchhung a\anga Bazar vel huam tur VC siam chu Party thuneihna zawk nia ngaiin Party thu leh hla ngaihchan rih an tum nia thudawn a ni bawk a, Serchhip-IV leh New Serchhip VC te thu leh hla erawh hriat ala ni rihlo thung a ni.

Comments

Popular News (Last 30 Days)