Sorkar laipui in ruahmanna a siamfel hma chuan Mizoram-ah Food Security Act hmang theilo.

Food Civil Supoplies & Consumers Affairs Minister Pu John Rotluangliana chuan Central Sorkar in ruahmanna kimchang a siam hma chuan Mizoram-ah Food Security Act hman theih a ni rihlo, a ti.

He thu hi Mizoram Legislative Assembly inkhawm nimin July 10, 2014-a neih ah MNF Member, Pu Lalrinawma zawhna chhanga sawiin Pu John Rotluangliana chuan ‘Food Security Act hian Mizoram mipui zawng zawng a tuam kim thei dawn lo a, chhungkaw 7,60,000 chauh tuam tur a ni,’ a ti a, ‘Tun dinhmunah mi zawng zawng hnenah ration sem vek a ni a, buhfai indaihlohna phuhruk turin thla tin quintal 80,000 vel lei belh \hin a ni a, Food Security Act hmang thei tur hian Sorkar laipuiin buhfai min pek belh dawn em tih te, Retailer te hlep tur te, a phurhna leh sawngbawlna man te engtianga tih tur nge tih a la chian loh avangin Mizoramah chuan hman theih a la ni rihlo,’ a ti bawk. Hei bakah hian Special Permit tihtawp chungchanga zawhbelhna chhangin Supply Minister chuan ‘Ruai buatsaihna ah Sa te aiin buhfai chu a daihzai ber a nih avangin Sorkar pur buai lo tura mipui kan inzirtir a ngai zawk a ni,’ a ti bawk.
    Supply Minister Pu John Rotluangliana chuan zawhna dang chhangin YMA leh Mizoram Consumers Union te nen \ang tlangin, Gas tihchingpen leh Black-a zawrhchhuahte nasa zawka do tum a ni, a ti a, ‘Gas chungchang hi Dealer te leh Company te indawrna a ni a, Gas a harsat chuan Sorkar a inrawlh a, tunah pawh Petroleum Minister te Sorkar chuan dawrin IOC hotute pawh Gas tam zawk Mizoram tana pe tura ngen an ni,’ a ti. Hemi chungchang hi sawi belhin Chief Minsiter Pu Lal Thanhawla chuan ‘India ram Gas mamawh zaa 75-80 vel chu ram pawn lam a\anga chawkluh a ni a, Mizoram tih loh state dangahte chuan Gas a harsatin Sorkar an dem ngai lo a, Company leh Distributor te an nawr zawk \hin a ni,’ a ti bawk.