Latest News

Assembly Session thuthar thenkhat :

Thla 4 chhunga sorkar sum hman tur House in a pawm.

    Mizoram Legislative Assembly Budget Session chu nimin July 9, 2014 khan chhun-zawm leh niin Finance Minister Pu Lalsawta'n niminpiah a Mizoram sorkar in thla li chhunga sum a hman tur Vote-on-Account-a a pharh chu lungrual taka pawm a ni. Tarlan tawh angin niminpiah khan Finance Minister Pu Lalsawta chuan kumin August thla a\anga November thla thlenga sorkar sum hman tur Budget, Vote-on-Account in House-ah a pulut a, Pu Lalsawta Budget putluh hi a vaiin Rs. 2377,88,83,000 a ni a, hei hi budget pumpui tura ruahman chhin a\anga za zela 33.32% ang a ni a. Amaherawhchu House in a pawmpui ngai chu Rs. 2179,35,14,000 a ni a, Budget puitling anga sawiho ngai anih loh avangin member \henkhat in an hriatthiam loh an zawhfiah hnuah lungrual taka pawm a ni.
####
Mizoram-a Dan thar hman tur Assembly-ah pawm a ni.
    Nimin a Mizoram Legislative Assembly inkhawm ah Mizoram-a Dan thar hman tura Home Minister Pu R. Lalzirliana putluh 'The Mizoram Scheduled Tribes and Scheduled Caste (Regulation of issuance and verification of) Community Certificate Bill 2014 chu sawiho a pawm a ni. He Dan thar hi Scheduled Tribes and Scheduled Caste (ST/SC) Certificate lem awm \hin leh Dan diklo leh a hmulo tur hmu  awm \hin te tihbona tur a ni tih Home Minister chuan a sawi a, Scheduled Tribes ni silo, hnamdang mi \henkhat ten an hming thlakin  Scheduled Tribes Certificate hi an dilchhuak a, chumi hmang chuan LSC te an siam \hin tih sorkar chuan a hria tih pawh sawiin, Scheduled Tribes te tana hauh sak sorkar hna dilna atan te, zirna In-a Admission dilna atan te leh Chhiah awlna atan te pawh hman a ni \hin bawk tih sawiin, heng zawng zawng tihbona atan hian he Dan hi duan a ni tih a sawi bawk.
####
NLUP bawng thi 41 te Insurance claim tih hlawhtlin sak tawh.
    NLUP Bawng thi mi 41 te hnenah Insurance claim hlawhtlin sak a niin heng mite hnenah hian Bawng pakhat ah Rs. 40,000 zel pek an ni. Nimin Session ah AH &Vety Minister Pu C. Ngunlianchunga chuan he thu hi sawiin NLUP a\angin Bawng 1898 lei a ni tawh a, Bawng pakhat hi Rs. 55,000 zelin nei a niin a vaia leina senso hi Rs. 10,43,90,000 a ni, a ti a. Bawng hi M/S Model Dairy Farm, Kanpur UP leh M/S Kwality Dairy and Agro Sales Haryana te supply niin, NLUP Bawng lei zingah 1149 an la dam tih a sawi bawk. Zawh belhna chhangin Minister chuan Bawng thi zinga 46 hi kalkawnga thi niin, dahkhawmna (quarantine) a thi 46 leh a sem hnua thi 657 an awm tih sawiin, kalkawnga thi te hi a supplier ten an rul (replace) leh vek tih a sawi bawk a. Bawng 413 chu RKVY sum hmangin lei leh a ni tih a sawi bawk. Minister chuan 3rd Phase-ah chuan Supplier te hnena sum pe tawh lovin Shillong leh Guwahati velah lei tum a ni a ti bawk. Minister chuan NLUP sem hnuah Bawnghnute a pung tih sawiin, kum 201-11 a Mizoram Bawnghnute dehchhuah chu 11427 tons anih laiin kum 2013-14 a Bawnghnute dehchhuah chu 15304 tons a nih thu leh, a inthlauhna hi 3876 tons a ni a, NLUP Bawng semna hmun ah phei chuan a tam zual niin a sawi bawk.
####
Kumin ah District Jail
X Home Minister Pu R. Lalzirliana chuan Serchhip District Jail, Chhiah-tlang ami chu kumin chhung hman theih tura peihfel tum a ni tih nimin Assembly inkhawm ah MNF Member, Er. Lalrinawma zawhna chhangin a sawi a, he District Jail atan hian Rs. 6,85,90,000 sen a nih tawh thu leh thawktu tur pawh lak an ni tawh tih a sawi bawk.
####
Bike bengchheng sawilang
S Home Minister Pu R. Lalzir-liana chuan Bike-a proton vuah \hin te chungchangah Noise standard pela tlan chu phal a ni lo tih nimin a Assembly inkhawm ah a sawi a. Hetiang hmang mi 20 te bike silencer chu Traffic Police ten an thlawn sak tawh tih pawh sawiin, heng mite hi Traffic duty te haw hnu zan dar 10 hnu lamah te intlansiak \hin an nih avangin khap a harsat thu leh heng mite Registration No. hi mipui ten Police te an hrilh \hin a ngai a ni, tiin man an nih tur thu a sawi bawk.

Comments

Popular News (Last 30 Days)