Serchhip District-a NSSP kalpui mekah Naupang tana School him theihna tur zirho a ni.

Serchhip District-a National School Safety Programme (NSSP) kalpui mekah nimin khan Serchhip District-a zirtirtu thlanbik te tan School a naupangte him taka an awm theih dan tur zirhona “Sensitization Workshop on Non-Structural Mitigation in Schools under NSSP” neih a ni.

He zirhona Serchhip DC’s Conference Hall-a neih hi Pi Chuaupari, District Organizer, DM&R Serchhip District chuan kaihruaiin he hun hmanpuitu Pi B.Malsawmtluangi, MCS, Nodal Officer, DM&R, Serchhip District chuan Serchhip District chhunga NSSP kalpui anih dan a sawifiah a, NSSP hi kum 2012 a\anga kalpui niin Misoram-ah chuan Serchhip leh Aizawl District chu a bul \anna atan hman a ni a. Serchhip District-ah hian NSSP hnuaiah School 150 thlanchhuah tawh niin zirtirtu 350 hnenah training mumal taka pek an ni tawh a, School thlanchhuah ten Disaster Management Plan siamin, an zinga School 95 te chuan Mock-Drill an nei tawh bawk a ni. NSSP School zawng zawngah hian kangmei \helhna hmanrua ‘Fire Extinguisher’ pek vek an ni tawh bawk a ni. He hunah hian NSSP-a zirna In thlan te hi School-ah naupangte him taka an awm theihna tura hmalakna atana \anpuina thawhkhatna turin Rs. 5000/- \heuh pek an ni a, hemi hmang hian an school a naupangte tana himlo bungrua senghawi/siam\hat ngai te an siam\ha ang a; an zawhfel hnuah report siamin Rs. 4000/- \heuh pek leh an ni dawn tih Pi Zotinkimi, District Project Coordinator, NSSP chuan a sawi bawk.
    Non-Structural Mitigation hi School-ah naupangte him taka an awm theihna tura hmalakna a ni a, School building leh bungrua chi hrang hrangte chu naupangte sahimna atana hlauhawma a awm leh awmloh enfiah a; a him zawk leh \ha zawk a ruahmanna siam a pawimawh zia te inzirtir a ni a; blackboard/greenboard tar dan ah te, Laboratory bungrua dah dan te, Electric Wiring ah te, pangpar khawina pot dah dan te thlengin fimkhur a \ul thu leh Mizorama kan school building tam tak te hi hlui tak tak te an nih tawh avanga fimkhur tak leh uluk lehzuala enkawl a ngaih thu te tarlan a ni.