Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

YMA Day vawi 79-na lawm a ni

Mizoram-a tlawmngai pawl lian ber, Young Mizo Association (YMA) din champha vawi 79-na chu nimin June 16, 2014 khan Mizoram chhung leh pawna YMA dinna hmun hrang hrangah urhsun taka hman a ni.
Niminpiah June 15-a YMA Day chu Pathianni a nih avang leh nimin June 16, 2014 kha sorkar in Pisa chawlh ah a puan zawk avangin nimin khan Mizoram hmun hrang hrang ah YMA Day hi urhsun taka hman a ni a, kumdanga lawm dan ang bawkin khaw hrang hrang leh veng hrang hrang te chuan anmahni Branch \heuhah mipuite ham\hatna leh hlawkna turin an hmanga, Branch tam ber chuan zingkar ah Vengchhung thenfai hnatlang an thawk a, chhun lamah infiamna leh intihhlimna hun an hmangin infuihtharna hun an hmang a, nizan lam thlenga hun hmang te pawh an awm bawk. YMA hi June 15, 2014 khan Christian Missionary leh Mizo ringtu hmasa ten an din a. A hming hmasa chu Young Lushai Association (YLA) a ni, Oct. 7,1947 khan Young Mizo Association tia thlak a ni. YMA hruaitu hmasa te chu – President Pu Niara, Vice President Pi Zaii, Gen. Secretary Pu Ch. Pasena, Asst. Secretary Pu Vankhuma leh Treasurer Zorema Pa te an ni. YMA hian Member 3,89,507awm mekin, Branch 97 awmin, Group 46 leh Sub Headquarter 5 a nei mek a ni.

Comments

Popular News (Last 30 Days)