Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Serchhip-ah Cane Beer \hahnem tak man

Serchhip-a Excise & Narcotics Department Staff te chuan Inrinni kalta (7th June, 2014) khan Serchhip Sailiam Kawn-ah Beer (Diablo) bur 624 zet an man.
Hemi chungchanga Serchhip-a Exceise & Narcotics Department thuneitute hnen a\anga kan thudawn danin heng Cane Beer, Diablo (500 ml) te hi khawchhak lam, |iau a\anga rawn lak niin Satha Ip pakhat ah Case 1 (um 24) zel awmin case 26 chu Serchhip Sailiamkawn-a In pakhat ah dah a ni a, Inrinni kalta a Thenzawl lama phurhthlak tuma Serchhip-a Taxi Van pakhata an hlan laiin Excise & Narcotics Department-a thawk te hian an man ta a ni. Heng Beer neitu nia puh, Lalrinsangi (43) d/o Tlankima (L), Ser-chhip Chanmari Veng nia insawi pawh man nghal a ni. Excise Department hotute chuan heng Beer an phurhna tur Motor khalhtu hian a thilphurh hi a hriatloh thu leh bungrua pangngai phur tura an hman thu sawiin, hei vang hian Motor hi man lovin thuhretu ah an hmang zawk tih an sawi bawk. Hetiang Cane Beer (Diablo) hi tunlai hian Serchhip-ah a tam hle nia hriat a ni a, pakhat Rs. 250/- vel zela hralh \hin niin hemi anga chhut in tun \uma an man zawng zawng hi Rs. 1,56,000/- hu zet a ni a, Serchhip-a \umkhata Beer an man hnem ber \um a ni bawk.

Comments

Popular News (Last 30 Days)