Central YMA huaihawta ILP enfiah runpui ah ILP fello mi 500 chuang hmuhchhuah an ni.

Zirtawpni kalta June 6, 2014 zan khan Central YMA huaihawtin  Mizoram pumah hnamdangmi dan lova awm dapchhuah beihpui thlak niin ILP neilo leh nei felfailo mi 500 chuang zet man an ni.

Central YMA huaihawta Mizoram-a hnamdang ILP neilo te enfiah beihpui thlakna hi Mizoram pumah a ruala neih a ni a, he beihpui thlakna hi thuneitu Police te nen thawh niin  ILP neilo leh thi tawh manchhuah te chu thuneitute kutah hlan nghal zel an ni a, Aizawl Police Station-ah mi 83, Bawngkawn Police Station-ah mi 78, Kulikawn Police Station-ah mi 42, Vaivakawn Police Station-ah mi 19, Zonuam Out-Post-ah mi 15, Lunglei Police Station-ah mi 85, Kolasib Police Station-ah mi 51, Vairengte Police Station-ah 9 leh Mamit Police Station-ah mi 7 dahluh niin Serchhip Police Station-ah mi 37 dahluh an ni bawk a. Champhai Police Station-ah erawh hetiang ILP neilo leh ILP diklo nei, thuneitute kuta hlan an awmlo thung.
    Central YMA chuan thuchhuah siamin Inner Line Pass (ILP) check runpui hlawhtling taka neih a ni chu lawmawm an tih thu an tarlang a, ram puma ILP dan bawhchhetu Non-Tribal 500 chuang lai man chhuah tur an awm chu pawi an tih thu pawh tarlangin, hetiang hi kan ram dinhmun a nih avangin rampum huap ILP enfiah runpui hi neih leh thuai nise an ti a, ILP diklo te chhan tura Mizo ngei an rawn penchhuak \hin chu tih tawhloh nise an duh thu an tarlang bawk.