Naisingpara-a NGO ten Bru lakletna tur dodal tum

Tripura Bru Camp Naisingpara-a Bru NGO te chuan Bru lalet tura sorkar ruahmanna chu a tawp thlenga dodal an tum tih an sawi.

Nimin khan Naising-parah Bru NGO aiawh hrang hrang te hi kalkhawmin Bru laklet tur chung-chang hi an ngaihtuah a, Mizoram sorkar rorelna YMA leh MZP ang ten an khuah-khirh theih chhung chu Congress kaih-hruai sorkar-ah rinna an hloh ta tih an sawi a, Chief Minister chu danpui hnuaia puitling vote thlak thei chin te humhalhna bawhchhiaah puhin, Election Commission a Bru te an kir loh chuan vote thlak tir tawh lo ni se ti a Memorandum a thehluh chu hnam tenau zawk te thliarna a ni, an ti a. Tuna Bru laklet hi a hun lo hle tih sawiin an chenna tur Inhmun ram pek an nih loh bakah an thilphut hrang hrang te tihlawhtling lova laklet an nih chuan an dam khawchhuahna a awm lo tih an sawi a, Chief Minister chu hnam tenau zawkte ngaihthahah an puh a ni.
    Mizoram sorkarin Bru laklet a tumnaa a biak ber Bru Coordination Committee chu Mizorama Congress Party peng pakhat a ni nia sawiin, BCC ruaia Mizoram sorkarin Bru laklet tur list a duan te chu a rintlak loh thu leh an list a chuang zinga chhungkaw tam tak chu Mizorama lo let tawh sa te an ni an ti a, hemi chungchangah hian puan-hnuai thil leh a ruka hlawkna um zawnga tih tih a awm niin an sawi a ni.
    Naisingpara-a NGO \hukhawm hian All NGO Joint Committee an in vuah a, an President chu Rolick Z Appeto a ni a, Bru ten tun dinhmunah an har-satna an sawichhuak ngam lo niin an sawi a, media ah takngial pawh an tlan ngam lova, an harsatna sawichhuak apiang chuan, hnam lian zawk te an hmachhawn a ngai dawn si a ni, an ti. Hei bakah hian Mizoram Bru Displaced Peoples Forum chu sorkarin a vau zam tawh niin an sawi bawk a, an aiawha ding \hin MBDPF hruaitute chu tuna an ngawih tlatna chhan pawh tan In-a khung thlenga vau an nih vang a ni, an ti bawk.