Home-a thawktu ten intuaitharna nei

Serchhip District chhunga Nau hnuchham enkawlna Home-a thawktute tan nimin khan intuaitharna hun hman a ni.

He intuaitharna hun, ‘Capacity Building Programme on Soft Skills’ tia vuah hi I&PR Conference Hall, Serchhip-ah neih a ni a, he hun hi Pi Lalsiampuii Tochhawng, DCPO chuan kaihruaiin Resource Person Pi Lucy Maruati, Director, Gan Sabra hnen a\angin Home enkawlna kawnga thil pawimawh chi hrang hrang - mi dawr dan te, buaina chinfel dan, thawhhona \ha neih dan, naupang enkawl chung-changa thawktute mawhphurhna leh chanvo, naupang rilru hriselna zirchian dan te leh document vawn dan dik te zir a ni. Nimin a Capacity Building Programme ah hian Serchhip-a Hnuchham enkawlna In pahnih Zoar Children’s Home leh Lalchhungkua Unity Children’s Home enkawltu mi 14 an tel a ni. Serchhip-a Home hrang hranga thawktute hi DCPO hmalakna in kumin khan a thara lak an ni a, a hma anga kal tawh lovin thiamna bik nei ten heng Home te hi an enkawl tawh dawn a ni.