Bru raltlan laklet thawh 6-na zofel ta

Tripura-a Bru Refugee Transit camp a\anga Bru refugee te laklet thawh 6-na, ni 5 chhung awh chu Inrinni khan zawhfel a ni.

Kar kalta Thawhlehni a\anga Inrinni thleng khan Bru raltlan laklet hna hi thawh a ni a, Zomuantlang Facilitation Centre kaltlanga lo lut Tuikuk hi chhungkaw 33-a mi 174 an ni a. Kanhmun Facilitation Centre kaltlanga lolut te hi chhungkaw 140-a mi 709 an ni thung a, heti hian tun \uma Bru rawn kir zawng zawng hi chhungkua 173-a mi 883 an ni a, heng mite hi Mamit, Dampa leh Hachhek Constituency huamchhunga anmahni dahna tur hmun ruat khaw 28-ah semdarh an ni. Bru te laklet ni zawng zawngah hian Refugee Camp a\anga Bru laklet duh loh entirnan mi \hahnem tak Ashapara bulah leh Hamsapara bulah pung-khawmin Mizoram Bru Displaced People Forum thilphut an aupuiin banner te an tar a, an thil phut zingah hian chhungkaw tin tan ram pek, khaw lian deuh deuh siama anmahni dahkhawm, Central sorkarin hnam hnufualte tana a siam, Primitive Group Programme hnuaia anmahni enkawl, refugee lo let chhung-kaw tin tan \anpuina Rs. 150,000 pek leh kum 2 chhung a thlawna ration pek ta a ni.