Rukbo te tlanchhuah nan cheng nuai 10 phut.

Tripura hel pawl, National Liberation Front of Tripura (NLFT) mi nia hriat te’n June 14, 2014-a Mizoram khawthlang lam Rajiv Nagar leh New Kawnpui inkara hnamdang sumdawng pahnih an rukbote tlanchhuahna’n cheng nuai 10 an phut.

Mizoram Police hotute sawi danin heng Bengali 2 rubotute hian Mizoram lam an rawn dawr lova, rukbo chhungte Tripura lam ami an dawr a. Tunhnai khan rukbote tlan chhuahna atana cheng nuai 10 an phut thu hi an hriattir nia thudawn a ni. Mizoram Police lam chuan inrukbo chungchangah hian West Phaileng Police Station-ah thubuai an ziak lut a. A rubotu lam emaw an chhungte lamin emaw engmah an rawn sawi lem lo chungin Tripura Police hotute nen an inbe pawp reng niin thudawn a ni. Tarlan tawh angin kar hmasa Inrinni, June ni 14, 2014 khan Rajiv Nagar leh New Kawnpui inkar, Mizoram leh Bangladesh ramri a\anga KM 5 velah mi 6 chuanna Motor chu NLFT hel mi nia hriatte’n an lo tiding a, Bengali pakhat tlan bovin midang 5 hi an man a, an hren zing ami Nepali 1 leh Chakma 2 an chhuah tir hnuah helho hian North Tripura district-a Dosda khua ami sumdawng tenau 2 te chu Bangladesh ram chhungah luh puiin an hreng zui ta a ni. Police hotute chuan rubotute hi Mizorama vawi tam tak mi rawn rubova hreng zui \hinte tho kha an nih thu an sawi a. Tuna an mi rukbote an tawmpuina hmun pawh hi a hmalama an rukbote an tawmpui \hinna tho kha niin an sawi bawk a ni.
    Hetihlai hian Central YMA chuan thuchhuah siamin tun thla ni 14-a Mizoram khawthlanglama inrukbo thleng hi an dem thu sawiin, hetianga Mizoram chhunga inrukbona thleng hi \ha an ti lo takzet tih an tarlang a. Mizoram remna leh muanna tichhe zawng leh hmasawnna kal zel tur ti\huanawp zawnga, State dang helte’n Mizoram chhunga pawi an khawih \hin leh pawi sawilo an rubo \hin chu an dem takzet tih an sawi a. Heng an mi rukbote hi intiamkamna awm lova chhuah nghal tura an phut thu leh hetiang hi a thlen nawn tawh lohna turin Mizoram sorkar chu chak taka hma la tura an beisei thu an tarlang a ni.