Bairabi-a Rel chhuak tur dan tihtawp rih a ni.

Bairabi North Branch YMA te'n mipui tam zawkin an chhawr \angkai theih tura Rail tlan hun siamrem ngiata Bairabi a\anga Passenger phur Rail chhuak tur an dan chu nimin June 5, 2014 khan an titawp.

Bairabi YMA hruaitute leh Railway hotute hi nimin khan Bairabi ah an inbia a, Rel thuneitute chuan thawk leh khata rel tlan hun chu sawn rum rum a remchan loh thu YMA hruaitute chu hrilhin, hun engemawchen ngaichang rih turin an ngen a, an inbiakna ang hian YMA lam chuan tun thla ni 25 thleng ngaihchan an rem ti a, hetianga inbiakremna an neih takah hi chuan tunkar Thawhlehni zan a\anga rel chhuak tur an dan chu nizan a\ang khan a pangngaiin a kal leh rih dawn ta a ni. Bairabi North Branch YMA President Pu C.Lalbiakenga chuan Bairabi a Rail luh hun leh chhuah hun chu Mizo mipui te tana chhawr \angkai a remchan loh thu sawiin, Rel hi Zan dar 9:00 ah rawn lutin, zing ah mi tam zawk thawh hma zing dar 4:45-ah a chhuak leh \hin tih sawiin, zing hma taka a chhuah leh \hin avang hian kuthnathawktu, an thlai thar thawnchhuak duhten an chhawr \angkai thei lo a, zin chhuak tur te tan pawh harsatna nasa tak a thlen a ni, a ti a, hei bakah hian Mizoram-a Rail rawn lut en tura zirlai naupang hmun hla tak tak a\anga kal te pawhin hmuh tur hi an nei ngailo nia sawiin, hei vang hian rel chu chhuna Bairabi chhuahsan tir an phut tih a sawi bawk.