Serchhip-ah Evacuation Drill hlawhtling taka neih a ni

Nimin April 4, 2014 khan Serchhip khawpui chhunga zirna in hrang hrang 10-ah  lirnghing a lo thlen huna chi-ai lova chet lak dan tur zirna, ‘Evacuation Drill’ chu hlawhtling taka neih a ni.

Evacuation Drill hi National Disaster Management Authority leh Geo-Hazard International \angkawpin kum 1905-a Kangra, Himachal Pradesh a lirnghing rapthlak tak hriatrengna atana School Safety Preparedness Drill an buatsaih bawhzuia National School Safety Program (NSSP), Serchhip District te buatsaih a ni a. Evacuation Drill’ hi chawhma dar 11:00-ah heng- Elite M/S New Serchhip; Govt. M/S New Serchhip; Govt. PCR H/S Serchhip; Govt. Ramlai M/S Serchhip; Marian H/S Serchhip; All Saints M/S New Serchhip; Chanmari M/S Serchhip; Little Flower Convent School Serchhip; Govt. Midland M/S Serchhip leh Govt. JM High School Serchhip-ah te a ruala neih a ni a. Hemi hmalam hian NSSP kaltlangin Serchhip District chhunga School 150 thlanchhuah ten Disaster Management Plan mumal tak neiin Plan an neih dan ang hian he Drill hi neih a ni a, zirna In te hian he Drill an neih dan report hi NSSP-ah hian an thehlut leh dawn a ni. School Safety Preparedness Drill hi kum 1905 April ni 4 a mi 20,000 chuang nunna suattu Kangra lirnghing (7.8 richter scale) hriatrengna atan leh hetiang chhiatrupna lo hmachhawn thei tura inbuatsaihna \ha zawk neih anih theih nan ruahman a ni.