MNF |halai President hlui in Congress Party zawm.

MNF |halai Pawl, Mizo National Youth Front (MNYF) President chhuakta, PC. Laltlansanga chuan MNF chhuahsanin nimin khan Congress Party-ah lawmluh a ni a, a rual hian MNF-a Secretary Lalmuanawma Mithipi leh ZNP Secretary Lalremruata pawh Congress ah hian lawmluh a ni.

Heng Congress Party zawm tharte hi MPCC Vice President R. Lalzirliana chuan lawmlutin "Party dang a\anga Congress zawm zingah kan party President Pu Lal Thanhawla bei lova lut hi an awm lo a ni. Nihna beiseiin in rawn lut lova, amaherawh chu MPCC-ah beiseina in neih erawh a lawmawm, rilru zau zawk pu chunga in rawn lut hi a lawmawm," a ti a ni. He hunah hian Pu PC. Laltlansanga pawhin thu sawiin thutiama ding ngai lo hruaitu zui ai chuan a thutiama ding \hin hruaitu zui chu an thlan tak thu a sawi a, “Kum 2013 inthlan inpuahchah lai khan political party President tinin a malin kan ding ang tiin an sawi vek a, chu'ng zingah pawh chuan MNF President Pu Zoramthanga hi a tel a ni. Mahni sawi anga awm leh awm lo chu mipuiin an hria a, Congress chu an mal din maia thutiamah an ding \hin a ni," a ti a. Hei bakah hian MNF in inthlana chak loh hnua mahni nihna pawm lova Electronic Voting Machine (EVM) puh daih chu thil pawi tak a nih thu sawiin, "Mahni insiam\hat aiin EVM kan hawi a, pahnihna kan nihna bial 23-a candidate-te'n EVM 'rigging' a awm tiin Hight Court-ah kan kaltir a, 'pahnihna kan ni hi pakhatna min nihtir la min tlintir rawh' tiin judge hnenah kan ngentir a ni. Pahnihna kan ni tih kan awih tho si chuan EVM chu kan pawm tho a, pahnihna kan nihna lai erawh kan pawm lo mai a ni. EVM hi pawm lo ni ila tun Bye Election leh MP thlan pawh hi MNF hian boycott tur kan ni," a ti a, EVM hmanga inthlana tling tharte lawmpuiin Pu Zoramthanga chu phur takin a kal tih sawiin, EVM a pawm lo a nih chuan sorkar lakluh kha boycott awm tak a ni, a ti bawk.