Mizoram-ah pianphunga rualbanlo mi 7894 an awm.

Mizoram-ah pianphunga rualbanlo 7894 an awm a, heng mite kawng hrang hranga rualbanlo te niin rualbanlo te tana sorkar hna zaa 3 hauhsak chu tisang turin nawr mek a ni bawk.

He thu hi Persons with Disabilities (PWD) Commissioner, Pi B. Sairengpuii chuan sawiin, Mizoram-a pianphunga rualbanlo mi 7894 te hi taksa sawngnawi (Orthopaedically handicapped) 2360, rilru lama harsatna nei (Mental retardation) 1874, khaw hmuh fiah lo/mit \halo (Visually impaired) 1436, beng \halo (Hearing impaired) 1996 leh thildang vanga rualbanlo (Multiple disability) 228 te an ni. PWD Commissioner, Pi B. Sairengpuii chuan Mizoram-ah rualbanlo ten ngaihsak an la hlawh tawklo chu pawi a ti hle tih sawiin, ‘Sorkar Building hrang hrangah rualbanlote kal vena tur Ramp, railing bakah an inthiarna tur bik (adaptation toilet) a awm vek tur a ni,’ tiin AMC leh PWD ten hriattirna an tichhuak chunga department ten an ngai pawimawh tawklo chu pawi a ti hle tih a sawi a. Ramps, Rails leh Adaptation toilet siamna tur pawisa hi kum 2010-11 ah nuai 20, 2011-12 ah nuai 20 leh 2012-13 ah nuai 30 te Central sorkarin a rawn pek thu leh hei hi Office hrang hranga hman tur tih a sawi bawk.
    PWD Commissioner chuan rualbanlote tana sorkar hna hausak \hin 3% pawh tisang turin sorkarah an thlen tawh tih sawiin, “Rualbanlote tan 3% sorkar hna hauhsakna hi kum 2007 ah bul\an a ni a, hei hi kum 3 danah ennawn tur tih anih laiin ennawn a la ni lo a. Deptt. hrang hranga an hnathawh theih tur (identified post) pawh sorkar hian chhuah \ha leh thuai se kan duh hle a ni,” a ti a. ‘Supreme Court-in Polling Station chu rualbanlote luhtheihna tur (ramp facility) a ni tur a ni,’ a tih chu Lok Sabha inthlanpui neih turah ngai pawimawhin remchanna siamsak turin thuneitute an ngen nawn tih a sawi bawk.