ICT Minister in Zu khapna dan chungchang sawi

Information Communication Technolgy (ICT) Minster Pu Lal Thanzara chuan Zu khap burna dan MLTP Act chungchangah 'Sorkarin Kohhran a rawn dawnlo a nih pawhin Lalpa tal rawn rawhse' tih chu \awng\ai ngailo te hnena sawi awm a ni, a ti.

Nimin a Good Governance chungchang zir-hona, ICT Deptt leh MJA \angkawp buatsaih-ah he thu hi sawiin Pu Lal Than-zara chuan ‘Mizorama zu khap burna dan, MLTP Act hlih leh hlih loh chung-changah mipui ngaihdan a inang ngai dawnlo a, hetihrual hian Kohhran, Political Party leh Mipuite hian heti luih luih hi chuan zu hi kan ruih loh phawt a \ha a ni, a ti a, MLTP Act hi hlih a nih pawhin, Sorkar chuan zu in turin tumah a fuih dawnlo a, he dan hi hlih nimahse zu a zalen dawn chuanglo a, dan hnuaiah khuahkhirh a la ni reng dawn a, MLTP Act hlih avanga khawlaia zu rui vei hut hut tur anga ngaihna hi ngaihdan diklo a ni,’ a ti bawk.
    Hei bakah hian Pu Lal Than-zara chuan, ‘MLTP Act hlih chungchang ah Home Minister in Kohhrante rawn an nih loh tur thu a sawi chhan chu Zu khap burna dan chungchangah Kohhrante hian ngaih-dan nghet sa an neih vang anih hmel a, hetihrual hian Sorkar chuan thutlukna pawimawh a siam dawnin \awng\aina nen fimkhur takin Mizoram pum tana tha tur a ngaihtuah \hin a ni,’ a ti bawk.