EVM dang rawn kalpui mek

April ni 9-a Mizoram aiawh tur Lok Sabha member 1 leh Hrangturzo by-election thlanna atana hman tur Electronic Voting Machine te chu Maha-rashtra a\angin rel-a rawn phurhchhoh mek a ni.

Joint Chief Electoral Officer Pu H. Lalengmawia sawi danin EVM an rawn thawn hi 1,716 a ni a, Guwahati an rawn thlenpui hnu-a lo buaipui-a Mizoram lama rawn keng chho turin official engemawzat tirh an ni. EVM hi Bharat Electronics Limited (BEL) company siam a ni a; a hmaa an rawn thawn zat chiah an rawn thawn leh a. Hetianga a thar lak a ngaihna chhan hi a hma a EVM 1,716 an rawn thawn zingah kum 2006 hmalama siam, Voter Verifiable Paper Audit Trail (VVPAT) khawl nena inmillo tam tak a awm vang a nih thu Pu Lalengmawia chuan a sawi bawk.
    Nikum Assembly inthlanna atana hman EVM te chu MNF party MLA candidate 23-in Gauhati High Court-a an khin avangin khawih chet loh tura Strong room-a kalh hnan a ni a. Khin zinga tello, Arunachal Pra-desh-a hman tura thawn an tumte pawh MNF lamin an remtih loh thu an sawi avangin khawih sawn a la ni ta lo niin Election department hotute chuan an sawi. MNF hian nikum Assembly inthlanpui leh a hmalamah pawh lo hman tawh Electronics Corporation of India Limited (ECIL) siam EVM te hi mithiam awmna Committee dina endik turin Gauhati High Court an ngen a. High Court thu angin khawih chet emaw hman emaw rih loh turin dah \hat a ni ta a ni.