Bru Camp-a vote thlak duh lovin YMA in kawngzawh tintuah.

Central YMA-a Central Executive Committee (CEC) nimin March ni 17, 2014-a \hukhawm chuan Bru, Tripura Camp-a awm mek te an awmna hmuna vote thlak tir an duhloh thu an sawi nawn a, tun thla ni 24 khian lungawilohna lantira kawngzawh nise an ti.

Nimin a Aizawl-a CEC \hukhawm hian Tripura Relief Camp-a awm mek Bru te chu Mizoram-a lo haw turin Mizoram sorkar in theihtawp chhuahin hma a la tih an sawi a, heti chunga Mizoram-a rawn let duhlo mi engemaw zat te chu tun \uma MP inthlanna neih turah anmahni awmna Camp a vote thlak tir tumna a awm leh mek nia sawiin, hei hi Central YMA leh Zirlai pawl te bakah Mizoram-a pawl lian dangte pawhin an duhloh thu sawiin, Bru te hi Mizoram-ah an rawn let duhlo a nih chuan Electoral Roll a\anga an hming paih tura hmalak an lo rel tawh tih an sawi a. Hemi chungchanga YMA ngaihdan chu Election Commission of India-ah thlen nawn leh nise, a \ul ang zela lungawilohna lantir chhunzawm nise an ti a, hemi chungchang hi Vawiin hian Mizoram-a tlawmngai pawl hrang hrangte nen sawiho leh nise an ti bawk. Hei bakah hian CEC \hukhawm chuan Electric eng chhit man sang lutuk chu an ngaihmawh thu pawh sawiin, a \ul angin sorkar dawr nise an ti bawk.