Bru Camp-a Polling Booth siam turin ngen

Mizoram Bru Displaced Peoples Forum (MBDPF) chuan Election Commission of India-ah thu thlenin, Lok Sabha inthlan lo awm turah Tripura Reilef Camp-a Polling Booth siamsak an duh thu an sawi.

Bru te hian Agartala a Chief Electoral Officer (CEO) kaltlangin EC ah hian thu thawnin, kum 2003 State inthlanpui-ah Releif Camp-a chengte tan Polling Booth ruahman \hat anih loh avang leh Kanhmun leh Tuipuibari a Polling Booth awmchhun pan turin a bikin naupawm ten harsatna nasa tak an lo tawk tawh tih an sawi a, hetihlai hian Relief Camp-ah te Polling Booth buatsaih a nih hnuah erawh zaa 80 chuangin vote an thlak thei a ni an ti a. Mizoram-a NGO te chu inthliar hran tuma dinah puhin, heng NGO te nawrna anga Lok Sabha inthlanpuia Polling Booth siam lo tur leh Electoral Roll a\ang hiala an hming paih tur chu kaltlangpui ni lo se an ti a ni. Hetianga Electoral Roll-a paih tura invauna hi NGO ten Bru te Mizoram a\anga an nawrchhuahna hmanrua a ni tih sawiin, NGO te chuan thuneihna an kutah inpe chawpin, state sorkar thlengin nasa takin an nawr niin an sawi bawk a ni.