Serchhip-ah National Voters’ Day vawi 4-na hman a ni.

Ramchhung hmun danga National Voters’ Day hman a nih rualin Inrinni kalta, Jan. 25, 2014 khan Serchhip-ah pawh National Voters’ Day vawi 4-na chu Serchhip District Election Officer, Bawrhsap ni bawk Pi Juhi Mukherjee IAS hovin hman a ni.

Serchhip-a National Voters’ Day puala inkhawm hi Serchhip DC’s Conference Hall-ah neih a ni a, he hunah hian District Bawrhsap, Pi Juhi Mukherjee chuan Electoral Roll-a thun thar te hnenah Electoral Photo Identity Card (EPIC) hlanin, hetianga Roll-a an hming a chuan hnu hian khawvela Electorate lian ber ah an tel ve tih in hre tur leh EPIC an neih a\ang chiah hian ram inrelbawlna chungchangah sawi tur an nei ve a, an mawhphurhna pawh a sangin a pawimawh hle a ni tih inhre turin a chah a, Democracy chakna hnar leh innghahna lungphum an ni a, EPIC hmang hian sorkar siam tura kan hlutna a in ang vek a, mitin kan intluktlang vek a ni a ti bawk. Serchhip-a National Voters’ Day hmanna ah hian Chief Election Commissioner thuchah chhiarchhuah anih bakah National Voters’ Day 2014 puala voters te thutiam chham rual a ni a, Electoral Roll a hming chuang tharte hnenah an EPIC a hlan bawk.
    He hunah hian kum kalta chhunga Serchhip District a Assembly Constituency pathuma BLO hna thawk \ha ber thlanchhuah te hnenah lawmman Citation leh Tangkafai Rs. 3000/- \heuh hlan an ni a, chung BLO tha thlanchhuah te chu : 26-Serchhip(ST) A/C : Pu Laltluangliana, Thenzawl-IV Polling Station ; 27-Tuikum (ST) A/C  : Pu Lalthianghlima Varte, Chhiahtlang-V Polling Station leh 28-Hrangturzo (ST) A/C : Pu R.C. Laldailova,, Keitum-II Polling Station te an ni a. MLA Election 2013 a District chhunga Assembly Constituency pathuma Polling Station vote tlak \hatna ber (in percentage) \heuh ah pawh lawmman sem niin Citation leh Tangkafai Rs. 5000/- \heuh hlan an ni bawk a, chung Polling Station te chu : 26-Serchhip (ST) A/C : Buangpui  P/S (95.30%); 27-Tuikum (ST) A/C  : Buhkangkawn P/S (96.36%) leh 28-Hrangturzo (ST) A/C : Hriangtlang P/S (91.47%) te an ni.