India Republic Day vawi 65-na Serchhip-ah Bawrhsap hovin lawm a ni.

India Republic Day vawi 65-na chu nimin khan rampumah urhsun taka hman a ni a, Serchhip-ah pawh nimin zing dar 7:30 khan Leisekawt Field-ah District Bawrhsap Pi Juhi Mukherjee IAS hovin hman a ni.

    Nimin a Serchhip-a India Republic Day lawmna ah hian District Bawrhsap, Pi Juhi Mukherjee chuan India Hnam puanzar chu pawtparhin Parade chibai buk a chhanglet a, he Ni puala thuchah sawiin district mipui zawng zawngte chu Mizoram sorkar aiawhin Republic Day chibai a buk a ni. District Bawrhsap Pi Juhi Mukherjee chuan, Mizo \awnga thu sawiin India ram in Danpui (Constitution) mipuite tana siam, zahawm tak leh huapzo tak, tumah thleibik a neilo, Dikna, Zalenna, Intluktlanna leh In unauna ngaipawimawh em em kan nei ani tih hre renga kan ngaihpawimawh ve a ngai a ni tiin mipuite \awiawmna leh thawhpuina a sawm a. Sorkar hmalakna hrang hrang tarlangin, NLUP hlawhtlinna chu a lang \an mek tih a sawi a, Serchhip District chhungah 1st Phase a\anga 4th phase thlengin chhungkaw 13,732 te hnenah \anpuina pek an nih tur thu sawiin, Serchhip District chhunga NLUP Beneficiary te zinga 68% velin hlawhtlinna hmel an hmuh tawh thu a sawi bawk.
    Hei bakah hian naupangte dikna chanvo humhalh leh venghim turin Social Welfare Department hnuaiah District Child Protection Society din anih bakah Serchhip District chhunga Police Station tinah Special Juvenile Police Unit (SJPU) an awm thu a sawi a, he Department hnuaiah hian kum kalta chhung khan Anganwadi Centre 7 hawn belh niin a vaiin Centre 100 a awm tawh thu a sawi a. Kum kalta chhung khan RMSA hnuaiah High School 7 sak thar a nih thu sawiin, District chhunga khawtinah High School din vek turin chak taka hma lak mek a nih thu a sawi a. SSA Mission hnuaiah kum 2013-2014 chhung khan District chhung khawtinah Primary School leh Upper Primary School din a nih tawh thu sawiin, kumin ah hian Midday Meal Scheme hnuaiah School choka 19 sak tur a nih thu leh a sakna tur sum pawh semchhuah vek anih tawh thu a sawi bawk.
    Bawrhsap chuan PWD hmalakna a PMGSY kaltlanga Chhingchhip-Hmun\ha Road, Chhingchhip-Thentlang Road, Chhingchhip-Hualtu Road, Hmun\ha-Khawbel Road leh East Lungdar-Sailulak Road te chu kum 2016 January thla ral hma a laihtlang vek tum a nih thu a sawi a, RGGVY kaltlanga Serchhip District a khaw 18 a kawlphetha pek tura rua-hmanna chu tihhlawhtlin mek zel a nih thu te; BPL chhungkaw 117 hnenah Electric Bill chawi ngai lovin free connection pek mek a nih thu leh kumin |hal lai a Zuangtui to Bukpui 132kV line hi Rs. 160 lakhs senga thuam \hat tum a nih thu te a sawi a, District chhung khaw kilkhawr leh pan harsa zual ten kumin furpui lo thleng turah buhfai leh thildang ah harsatna an tawhlohna turin buhfai leh eitur mamawh fur chhung tla tur chhek khawl vek tum a nih thu a sawi a, DIET, Serchhip ah July thla a\anga \an turin Pre-Service Diploma Course (kum hnih Course) leh Primary leh Middle School-a Untrained Teacher te tan In-Service Training, kum hnih Course a kalpui \an anih tur thu te, JNNURM hnuaia IHSDP Scheme ah mirethei in 350 sak anih thu te,LAD hnuaia Serchhip District park, Dawngzawla siam mek chu peih tep a ni tawh thu te a sawi bawk.
    Nimin a Republic Day lawmna ah hian Parade Contingent 5 an awm a, heta ti\ha te hnenah hian lawm-man sem niin he Ni puala Volleyball intihsiakna a ti\ha te hnenah pawh lawmman sem nghal a ni bawk.