MLA te Election Expenditure rinhlelhawm ah PRISM in ngai.

PRISM chuan MLA te Election Expenditure tlem lutuk chu rinhlelhawm an tih thu sawiin, Lok Ayukta \ha neih anih ngei nana hmalak zui zel an tum thu an sawi.

PRISM hian nimin khan kumin atana an Party Office hawnna neiin Association for Democratic Reforms in 2013 MLA General Election a MLA te inthlan senso an analyse-na chu thlirhoin inthlan a tling mi 39 te sum hman nia report (C. Ngunlianchunga affidavit fiahloh vangin a tello) chu rinhlelhawm tak tak a tam hle tih an sawi a. MLA thlantlin zinga sum seng hnem ber in a sumsen zat Rs 7,94,648/- a ni te, a seng tlember sen zat Rs 1,24,640/- a ni te, Party \henhran a an sumsen chawhrual INC in Rs. 4.19 lakhs, MNF in Rs. 5.70 lakhs leh MPC in Rs 4.45 lakhs nia tarlan te,MLA 23 zet in Public Meeting senso a chengkhat mah sengloa an insawi te, MLA 26 zetin lehkha leh thuchhuah siamnana sum hmang miahlo a an insawi te, MLA 11 in Campaign workers te chengkhatmah pelo a an insawite, Campaign na lirthei hmannan a Rs 25,051/- hmang tlinglo mi 5 zet an awm te leh thildang te en in MLA thlantlin tam tak hian diklo takin report an pe a ni tih a chiang hle tih thuchhuah siamin an tarlang.
    PRISM Office hawnna inkhawm hi Pu Vanlalruata, President in kaihruaiin Mizoram sorkarin Lok Ayukta din tura hma a la chu thil lawmawm tak a nih thu an sawi a, MZP ten Lok Ayukta draft siama dan \ha kan neih theihnan a an hma lakna chu an thlawp thu sawiin, Lok Ayukta \ha tak kan neih theih nan hma lak zui zel nise an ti a, Mizoram-a eirukna tih tlem a nih theih nana chak zawka hmalak dan tur rang taka ngaihtuah a \ul thu leh hemi atan hian Prism kalphung tihdanglam emaw, hmalak dan chi danga hma la tura hmalak emaw a tul thu te pawh sawilan a ni bawk.