Inrukbona thu leh hla

Rukbo te la chhuah loh MLA in an ngaithiamlo

@@ Mizoram Labour Association (MLA) General Headquarters chuan thuchhuah siamin Tuikuk hel ten Nov. 23, 2013-a tlanna sum phuta an rukbo Sanglianthanga, Lalzamliana leh hnamdang pakhat Deepak Mandal, vawiin thlenga an la hreng chu an ngaihthiamloh thu leh an dem tak zet thu an tarlang a. Pawisawilo an labour pui rukbo an ni fo mai chu pawi an tih thu leh tunhnuah thleng nawn tawhlo se an duh thu tarlangin, tuna an ruk bo mekte pawh intiamkamna awm lova chhuah nghal turin a phut tih an tarlang bawk. Hei bakah hian Mizoram Labour Association chuan rukbote chhanchhuak tura MZP leh CYMA ten ‘Bo zawn hnatlang’ hun remchang hmasa berah nei tura an inbuatsaih mek chu an thlawp thu leh an Member pawh a tam thei ang ber fehchhuak ve turin an inruat fel tawh tih an tarlang a. Labour, Kut Hnathawk leh inhlawhfate chung ah hetiang thil hi a thleng nawn leh a nih chuan an Member puite thlavang hauh turin Labour Association chu a che chhuak ve tawh ang tih lo hre turin rubotute chu an chah nghal bawk.

MZP in bo zawn hnatlang an nei leh dawn
@@ MZP Gen. Hqrs. chuan Tuikuk ten an rukbo mi pathum (3) - Pu Sang-lianthanga s/o Vanlalhmuaka, Taxi driver, Mamit leh Pu Lalzamliana S/o Buanga Pickup driver, Kolasib leh hnamdang Deep Mondal s/o Nikil Mondal te Vawiin thlenga chhuah an la nih loh avangin 22nd January, 2014 (Nilaini) hian “Bo zawn hnatlang” neih leh an tum a. He hna-tlang neih tur hi rukbo te chhuah an nih theih na tur leh mipui \anrual hun a nih avangin Mizo \halai zawng zawng te thawkchhuak tura ngenin zing dar 6:00-ah Vanapa Hall kawt a\anga chhuah tur a ni ang.