ZNP Vice President in inthlanpui neih zawh tak a thianghlimlo nia a hriat thu a sawi.

ZNP Vice President, Pu K. Liantlinga chuan Assembly  inthlanpui neih zawh tak chu a thianghlim lo hle nia sawiin, “Kan Sorkar ten pawl \ha leh thianghlim politics propaganda thehdarhna hmanrua-a hmang lo turin ka duh a ni,” a ti.  Nimin a an party Office-a inkhawm neih ah he thu hi sawiin Pu K. Liantlinga chuan Assembly inthlanpui neih zawh takah Politics inchirhthehna leh dawt hmanga inbeihna a nasa hle nia sawiin, mipui te tana thudik hriat hran hrasa khawp a Party dang ten an bei duh mai chu pawi a tih thu a sawi a, Hel leh chibing thawhpui anga an puhna chu a lungchhiatthlak hle tih sawiin, ‘Ziak in Hel leh Chibing te hi thawhhona thuthlung ZNP hian a siam lova, a siam ngai dawn bawk hek lo a ni. Congress leh MNF Party te hi ziak meuha thawhhona thuthlung lo nei tawh \hin an ni zawk a, chung an thuthlung lo ziah tawh te, engamaha ngailo leh anmahni hming sign ngei pawh zah zolo Party an ni zawk. ZNP boruak kal \halai min tihkhaihlakna hmanrua atan dawt leh thu belhchian dawllo hmangin Zoram hmun tinah ZNP hi min bei a, dawt leh thu puarpawleng hmanga inbeih hi ram leh hnam kalzelah thil \halo hrang hrang rawn thlentu bulpui a ni zawk a ni,” a ti bawk.

    A sawi zelna ah Pu K. Liantlinga chuan “Kan NGO te pawh hi an inngaihtuah ngun hle \ulin ka hria, bial hrang hranga an tlan velnaah engmah hmuchhuak tak tak mang si lo a, hetianga politics hmanrua-a an \ang ta mai hi a lungchhiat thlak hle in ka hria. Kan sorkar tu pawh hian pawl \ha leh thianghlim Politics hmanrua/Propoganda thehdarh tura hmang lo turin ka duh bawk a ni. Politics ramhlui zia tactic leh propaganda chi hrang hrang te ti reh turin he kum 5 lokal leh turah hian Zoram mipui ten theihtawp chhuahin ke i pen zel ang u,” a ti bawk.