World AIDS Day : Mizoram-ah AIDS vangin mi 669 thi tawh

Mizoram State AIDS Control Society (MSACS) chhinchhiah danin, kum 1990 October thla a\anga kumin July thla thleng khan Mizoram-ah AIDS vanga thi mi 669 an awm tawh.

Mizoram State AIDS Control Society (MSACS) record a\anga a lan danin kum 1990 - July 2013 inkar khan Mizoram ah mi 2,43,157 te thisen enfiah sakin HIV hrik pai 8258 hmuhchhuah an ni a, HIV hrik pai zinga 5204 hi mipa niin a bak 3054 hi hmei-chhia an ni a, HIV hrik kai zinga 67.74%, mi 5594 te hi mipat hmeichhiatna a\anga kai niin 25.93% (2141) te chu damdawi-a inchiu-na a\anga kai an ni a, Nu a\anga naute a kai 3.62% (mi 229) awmin an kai chhan hriatloh 2.71% (224) an awm bawk. HIV hrik kai zingah hian kum 14 hnuailam 327, kum 15-24 mi 1879, kum 25-34 mi 3482, kum 35-49 mi 2246, kum 50 chunglam 323 leh kum zat hriatloh mi pakhat an awm bawk a ni.

Nimin Dec. 2013 khan khaw-vel pumah World AIDS Day hman a ni a, Mizoram-ah chuan Pathianni a nih avangin a hranpa in programme siam a ni lova, Presbyterian leh Baptist Church of Mizoram (BCM) chuan chawhma inkhawmah HIV/AIDS chungchang zirtirna an chhiarchhuak a, BCM hian zan inkhawm ah ‘AIDS veite tân Samari mi \ha kan ni thei’ tih thupui hmangin thuchah an ngaithla a, Seventh Day Adventist chuan Inrinni (Sabbath) khan HIV/AIDS chung-chang zirtirna an chhiarchhuak bawk.