VVPAT in duhtu samlo. Sum ruahman hmang zolo

Ramchhunga a vawikhatna atana India ram chhunga inthlanpuia Electronic Voting Machine (EVM) nena VVPAT thlun zawm hman a nihna Mizoram-ah chuan VVPAT khawl hian duhthu a samlo hle niin Election Department hotute chuan an sawi.

Hemi chungchang hi chanchinbumite nena an inkawmna ah sawichhuakin CEO Pu Ashwani Kumar chuan Aizawl khawpui chhung bial 10-a Polling Station 217-ah hman a ni a, Chumi zinga 21 chu a chhia a. A chhia hi a tam riau mai a, chuvangin Election Commission hriattir a ni a. Election Commission hian Voter Verifiable Paper Audit Trail (VVPAT) khawl chung-changah hian a siamtu Electronics Corporation of India Limited (ECIL) thuneitute kovin December ni 3-ah Election Commission hmunpui-ah an sawiho dawn niin a sawi a. VVPAT chhiate hi ECIL Engineer pakhat in an hmunpui lamah a keng thla niin a sawi bawk.
    Inthlan senso chungchangah Pu Ashwani Kumar chuan inthlan senso atana sum ruahman chu cheng vbc. 24.03 a nih thu a sawi a. Inren-chem taka hmangin a \ul lova hmang leh hmang pelhe-te chu na taka hrema an vau thu sawiin, chutiang taka an hman avang chuan an sum ruahman hi an hmang seng dawn lo nia an hriat thu a sawi a ni bawk.