Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Affidavit-a thu ziak diklo ah MNF Candidate puh

Tun \um Mizoram Assembly in-thlanna atana chuhtu zinga mi, MNF candidate Pu R. Tlanghmingthanga chu a hming a pekluh ruala a chungchang a puanna (affidavit)-ah thudiklo ziakah puh a ni.
Chief Electoral Officer Pu Ashwani Kumar chuan chanchinbumi te hnenah Pu R. Tlanghmingthanga affidavit thehluh chungchangah hian complaint an dawn thu a sawi a. Thu thehluttu chuan Health Minister hluiin affidavit a siamah hian thubuai neilo angin a ziak a, mahse, thubuai a nei mek niin a puh a ni, a ti a. Hei hi a dik a nih chuan Representation of People Act, 1951 section 125 (a)-na, Indian Penal Code (IPC) section 177 leh Representation of People Act, 1951 section 33 (a) bawhchhiatna a ni, tih pawh sawiin, Dan hremite chuan he dan bawhchhiatna hi finfiah a nih chuan kum 2 thleng lung In tan emaw pawisa chawi emaw, lung In tan bawka pawisa chawi bawk thlenga hrem theih a ni, an ti bawk.

Comments

Popular News (Last 30 Days)