Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Synod inkhawmpui ah rorel-na neih \an a ni

Synod Inkhawmpui vawi 90-na chu Aizawl Ramhlun North Presbyterian Kohhran Biak Ina neih mek a ni a, niminpiah khan rorel inkhawm \an niin Moderator (elect) ah Rev. Lalrinmawia thlan a ni.
Synod rorel inkhawm hi \an anih veleh Moderator kalchhuak Rev. Lalramliana Pachuau chuan Moderator Rev. K. Lalhmuchhuaka hnenah Moderator mawhphurhna hlanin Moderator chuan ro\el inkhawm chu a kaihruai zui nghal a ni. Niminpiah a rorel inkhawm a thu ngaihtuah zingah hian Pastor, Bial vawng term hmang zo tawh 31 sawn kual an ni a, Minister Bial vawng lo, term hmang zo tawh 22 leh Minister thawk lai awmna hmun siam rem 12 te awmna tur ruat an ni a, hei bakah hian nemngheh thar 17 te awmna tur ruat a ni bawk a. Pro. Pastor thawk lai 2 an awmna hmun siamrem a ni bawk. Kumthar 2014 atan hian Pastoral Ministry hnuaiah 20 lak rem tih a ni bawk. Rorel ni khat ni hian General Agenda Presbytery a\anga lut 3 rel hman a ni.
    Mizoram Synod hnuaiah hian Presbytery 50, Pastor Bial 295, Koh-hran 1,591, Pastor 490, Pro Pastor 55, Kohhran Upa 4,868, Pem Upa 386, Dan zawh kim 3,90,212, chhungkua 1,23,393 an awm a, kum kalta chhung khan nau piang 9,746 leh mitthi 3,188 an awm a ni.

Comments

Popular News (Last 30 Days)