Aizawl District huamchhunga 36.58% hmun hlauhawm.

Aizawl District chhunga Square kilometre 1284, za zela 36.58 chu khuarel chhiatna chi hrang hrang thlen theihna hmun hlauhawm a ni.

He thu hi niminpiah a tlangzarh tak, Hazard Risk & Vulnerability Analysis of Aizawl District tih lehkhabu ah tarlan a ni a, he lehkhabu-a tarlan anih danin Aizawl district huamchhung Square kilometre 375.45, za zela 10.50 chu leimin thlen theihna hmun hlauhawm tak a ni a, KM 840.13 bial chu leimin laka himlo a ni a, KM bial 1504.90 chu leimin pangai thlen theihnaa dah niin a bak zawng chu hmun him zawka ngaih a ni. Aizawl district ah hian Square KM 556.88-a zau, za zela 15.57 chu lirnghing thlen thulah hmun hlauhawm tak a ni a, Thlipui leh Cyclone laka hmun him lo zual KM 50.66 bial, zaa 1.42-a zau awmin KM 11.08 bial, za zela 1.77 chu tuilian thlen theihna hmun a ni. Hazard Risk & Vulnerability Analysis of Aizawl District ah hian Aizawl District a khaw 104 awmah khaw 14 chu leimin thlen hlauhawmna (high) ani a, khaw 56 chu a leimin thlen theihna hmun pangai (moderate) hmun niin khaw 34 chu leimin laka hmun him zawk (low) ani a, Lirnging laka hmun himlo (High) khaw 43 awmin, lirnghing pangai thlena hmun pangngai Moderate khaw 40 awmin khaw 21 chu hmun him zawk anga ngaih a ni. Aizawl District huam chhungah hian Cyclone leh thlipui laka hmun hlauhawm khaw 30, Moderate hmun khaw 32, leh hmun him zawk khaw 42 a awm a, khaw 7 chu tuilian hlauhawm thlen theihna hmun a ni a, khaw 14 chu Moderate niin, khaw 2 chu hmun him zawka ngaih anih bakah khaw 81 chu8 tuilian laka hmun him a ni.