Campaign in a vawrtawp a thleng mek

Karleh Thawh\anni a Assembly inthlanpui neih tur atana party leh Candidate te campaign chuan a vawr-tawp a thleng chho \an mek a, Candidate leh anmahni puitute chu Veng hrang hrangah campaign in an buai rih hle a ni.

Section 126 of the Representation of People's Act, 1951 in a sawi angin, Vote thlak hun khar anih (November ni 25, 4:00 PM) a\anga chhiar let a darkar 48 chhungin inthlan campaign chawlhsan tur a ni a, hemi ang hian November ni 23 (Inrinni) tlai dar 4:00 a\ang chuan inthlan campaign leh a kaihhnawih thil reng reng bakah campaign thil anga ngaihbel theih ang chi reng reng khap tlat a ni tawh a, politics rawngkai puipunna chi hrang hrang, vantlang inkhawm leh hlimhlawp thil buatsaih khap anih bakah Cable TV, Cinema leh hmanraw dang dang hmanga politics leh inthlan campaign kaihhnawih tihchhuah khap a ni bawk. He dan bawhchhia te chu kum 2 thleng lung In tan emaw pawisa chawitir emaw, a pahnih kaihkawp emaw a hrem theih an ni tih sorkar chuan a sawi bawk.