ZNP in NLUP sum bang tun ami anga sem an tumlo tih an sawi.

ZNP President Pu Lalduhoma chuan, 'NLUP sum bang la awm hi keini chuan tuna an tih anga sem chhunzawm kan tum lo a, awmze neiin market tih changtlun nan kan hmang dawn a ni' a ti.

Nimin Aizawl Press Club a thuthar lakhawmtute a kawm naah ZNP President chuan he thu hi sawiin, 'NLUP pawisa hi cheng vbc. 2800 a lokal leh dawn a, kan sorkar chuan keini chuan tlem te te a sem lovin vawikhata pek tlak vek kan duh a. NLUP hi Congress pawisa a ni lova, a dawngtute pawhin an dawn vang hian Congress an nih kher a ngai lova, sorkar sum an dawng a ni mai' a ti. 'NLUP hi kan sorkar pawhin a dawng turte hian an dawng dawn tho a, chuvangin campaign nana hman chi a ni lo a, tun sorkarin pawisa an sem hi an ba a rul tihna a ni a, an sem kimloh phei chuan an ba an rul zolo tihna a ni zawk a ni' a ti bawk. Pu Lalduhoma chuan, 'kan policy pakhat nuai 5 loan kan pe ang tih hi mi \henkhat ten an hrethiam lo deuh a, hei hi lehkhathiam tan chauh a ni lo a. Eizawnna mamawh bul\anna tur neilo te pawh a huam dawn a ni' a ti. ZNP President chuan sorkar hnathawkte lungawi taka an awm a pawimawh a ni tiin 'hlim leh phur taka an thawh a ngai a, kan sorkar chuan 7th Pay hmanga hrutrual kan tum a ni' a ti bawk. Press mite zawhna chhangin kumin kumtawp MLA inthlanpui lo awm turah Political party kan thawhpui dawn lo a, party nilo, Zoramthar duhtute nen thawkho turin kan inbe mek a ni, tiin inbiakna kal lai a nih avangin thil thui tak sawi theih a nih loh thu a sawi bawk.
    Hei bakah hian ZNP President Lalduhoma chuan, 'NLUP sum hi special package ni lovin Additional Central Assistence sum leh Centrally Sponsored Scheme sum pawhpen mai a ni' a ti a, Cabinet Committee on Economic Affairs chuan CSS sum NREGA, Technical Mission, Bamboo Mission, IWDP, BADP leh BRGF sum a\angin vaibelchhe 1062 an pawtpeng a. Hei hi NLUP sum kan dawn a\angin 43 % a tling a. Hei bakah hian ACA/SPA a\angin vaibelchhe 1526 an pawtpeng bawk a. Heng sum te hi NLUP ah dah lo mahse kan state in kan dawn tho tho tur te an ni, a ti bawk.