District hrang hrangah Faina Hapta kharna neiin lawmman sem a ni

Tun thla ni 2 a\anga Mizoram District hrang hranga Faina Hapta hman puala intihsiakna lawmman te chu nimin khan District hrang hrangah sem a ni.

Saiha District-ah chuan nimin zing khan Faina Hapta kharna hi neih a ni a, Office fai berah District Jail thlan niin School fai berah Joel Public School thlan a ni a, Faina Hapta hman chhunga Chanchinbu, Faina lam hawi ziak \ha berah Moonlight, Daily News Paper chu thlan a ni bawk.
    Kolasib-ah chuan Faina Hapta kharna hun hi UD&PA Hall, Brig. Vankunga Shopping Centre-ah neih a ni a, he hunah hian Faina Hapta hman chhunga Veng fai ber ah College Veng chu thlan a ni a, sorkar Officer fai berah DIET thlan a ni a, zirna In ah High School chin chunglam ah Hmar Veng H/S leh Middle School hnuailam ah St. Maria Goretti’s School te chu School fai berah thlan an ni bawk. Champhai-ah chuan Faina Hapta kharna hun hi I&PR Auditorium, CHANEM building-ah building-ah neih a ni a, veng fai berah Vengthlang North chu thlan niin School fai berah Govt. Vengthlang M/S chu thlan a ni bawk a ni.
    Lawngtlai-ah chuan Faina Hapta kharna hun hi DC Conference Hall ah neih niin veng fai ber ah Vengpui thlan a ni a, Office fai ber ah PWD Office thlangin Hospital leh Home fai ber ah Lairam Motherless Home chu thlan a ni bawk. Mamit-ah chuan Faina Hapta kharna hun hi LAD Conference Hall-ah neih a ni a, Vengfai lawmman chu Mamit Chhim Veng Branch YMA in dawng in Office fai berah SP Office thlan a ni bawk a, hei bakah hian zirna In hrang hrang fai thlanchhuah te hnenah lawmman hlan a ni bawk a ni.