Serchhip District MPF leh Pol. Party in inthlan hun leh vote chhiar hun sawn turin duh.

/
Mizoram People Forum (MPF) Serchhip District leh Serchhip District-a Political Party hrang hrangte Joint Meeting chuan Assembly inthlan-pui neih hun tur leh vote chhiar ni tura ruat te chu sawn turin Election Commission of India-ah ngen nise an ti.
    Mizoram People Forum (MPF) Serchhip District leh Political Party hrang hrangte hian nimin khan YMA Sub-Hqrs. Office, Serchhip Bazar-ah Joint Meeting hi neiin MPF leh Political Party hrang hrang thawhhona thuthlung inhrilhhriatna te neih a niin Joint Platform siamdan tur te an sawiho a, he hunah hian Election Commission of India in Mizoram Assembly inthlanpui atana December 4 a ruat chu Synod Inkhawmpui lai a nih avangin sawn tura ngen nise, Vote chhiar ni atana December 8, 2013 a ruat pawh Kristian Sakhaw Ni pawi-mawh, Pathianni (Sunday) a nih avangin sawn turin Election Commission of India ah ngenna thlen nise an ti a ni.
    He Joint Meeting hi MPF Serchhip District President, Rev. H. Lallianzara chuan kaihruaiin Resolution 2 passed a ni a, MPF General Hqrs. leh Political Party hrang hrang Hqrs. ten Thawhhona Thuthlung an lo siam chu a tihhlawhtlingtu a \an tum vek nise an ti a, Constituency Forum hrang hrangah Joint Platform siam \heuh nise, a hun leh a hmun chu Constituency Forum in Political Party te rawn chungin ruahmanna lo siam se an ti bawk. Serchhip District MPF ten Joint Meeting an buatsaih ah hian  Serchhip District chhung Assembly Constituency 3 - Hrangturzo, Tuikum leh Serchhip a\angin Political Party hrang hrang aiawh Block Level hruaitute \heuh an kalkim a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »