Serchhip District ah Model Code of Conduct (MCC) hmang \an nghal

Mizoram Assembly inthlanpui neih hun tur puan a nih a\angin Model Code of Conduct (MCC) chu hman \an nghal a nih thu Serchhip District Bawrhsap chuan a sawi.

Serchhip District Bawrhsap, District Election Officer ni bawk Pi Juhi Mukherjee, IAS chuan Mizoram State Legislative Assembly lo awm tur chungchangah hian nimin khan thuchhuah siamin Mizoram Assembly Election, 2013 puan anih a\angin Model Code of Conduct (MCC) \an nghal a nih thu leh hemi chungchanga hriatchian duh nei leh MCC bawhchhiatna thu thlen duh tan MCC helpline phone No. 03838-226099 siam a nih thu tarlangin, nitin darkar 24 chhung eng hunah pawh biak pawh theih a nih thu leh Serchhip District chhunga Constituency tinah MCC Implementing Team ruatin Pu Lawmkima SDO (Sadar) (Ph. No. 9436197414), Pu K. Lalhmuakliana SDO(C) Thenzawl (Ph. No. 9612168051) leh Pu Ngulsangvela SDC(C) North Vanlaiphai (Ph. No. 9436159425) te biak pawh theih a nih thu a tarlang bawk. Hei bakah hian Mizoram Prevention of  Defacement of Property Act, 1995, Section 3(1) tlawhchhanin sorkar, vantlang leh mimal bungrua reng reng tih hmelhem phal a nih loh thu pawh tarlangin, heng bungrua chi hrang hrang lungrem, tuizem, bang, etc. te hi a neitu ten an ta ani tih chhinchhiahna tura an hming leh address an tarlang anih loh chuan chil chhak khum, zunkhum, poster/lehkha tar hnan, thai/ziah ran emaw, engti kawng zawng maha tihbawrhban phal a ni lo tih tarlangin, he thupek hi sut anih hma a bawhchhia an awm anih chuan tangkafai Rs. 1000/- thleng chawi tir emaw, thla ruk chhung tan tir emaw, a pahnih emaw a hrem an nih thu a tarlang bawk.