Serchhip-a Excise & Narcotics, YMA Sub-Hqrs. Serchhip leh Field Veng Branch YMA te chuan nizan (7.10.2013) khan Serchhip Ramthlun Veng-ah Sapzu um 219 zet manin Serchhip-a \umkhata Sap zu an man tam ber nia hriat a ni.
Serchhip-a Excise & Narcotics Department leh YMA duty te hian an thudawn bawhzuiin Pi Ngurzikpuii In luah lai, Serchhip Ramthlun Veng ami hi an dap a, amaherawh chu engmah an hmuhloh hnuah an In hnuai a Septic Tank khur ang taka rem chu chhuat a\anga hawngin hetah hian Sap zu (Royal Stag) um 220 zet a lo awm a, um khat chu a lo keh avangin um 219 chu an man ta a ni. Heng Sapzu mantute hian tun \um hi Serchhip-a Sap Zu pangngai \um khata an man tam ber \um a nih thu an sawi a, tun \uma an zu man hi umkhat Rs. 1000/- zela hralh \hin a nih thu sawiin, hemi anga an chhut hian an thil man zawng zawng hlut zawng hi Rs. 2,19,000/- zet a ni. Heng Sap zu an man te hi In neitu nilo a neitu nia inchhal dang an awm avangin chhui chian mek a ni.
Comments
Post a Comment