Health Care Scheme sum chungchang thubuai tihtawp a ni.

Mizoram Health Care chungchanga PRISM in April 13, 2009 a ACB a thubuai a thehluh chu nimin khan khan Pu KL. Liana, Judge, Special Court, P.C Act chuan an puhna chu kalpui zel tlakloh leh a tak awmlo ni a hria in a ti tawp.

Special Judge Pu KL. Liana chuan, Health Care Scheme investment tur hian Sorkar Official te, Tlawmngai pawl hrang hrang hruaitute leh Goverment Body Chairman khatih laia CM remtihna a tih a ni tih a sawi a, Spl.Judge Pu KL Liana chuan, he case hi kalpui Prevention of  Corruption Act hnuaia thubuai siam sak chu a remchan loh avangin thubuai siam zel tlakah ngai lovin a discharge (titawp) tih a sawi a, an duh chuan FIR a tharin Police hnenah in thehlut thei ang a ti. Hemi chungchanga MNF Party thuchhuah chuan, Health Care Scheme sum hi bo thlau a awm lo mai a ni lo, ni 5/11/2010-ah cheng vbc. 5.65 chuangfein a pung tawh a. He Sum punna hian tlakhniam lam apan dawna alan avangin tlahniam thei tawh lo tura dang (Switch over of funds)- turin Bajaj-Allianz Life Insurance Co. Ltd Chief Divisional Manager chuan Sorkar a hriattir lawm lawm chung pawhin ti duh lotu an awm tlat avangin he Sum dah hunbi a lo kima lakchhuah a nih (March 2012-ah) meuh chuan Pu Tlanga’n a lo sawi lawk ang ngeiin cheng khatte pawh bo thlau emaw chheprelh emaw awm lovin leh a pung Rs. 1,12,43,290/- leh a sum lu Rs. 10,00,00,000/- nen an la chhuak vek a ni, an ti.