MZP hruaitu ten Scholarship chungchang sawipui.

Mizo Zirlai Pawl (MZP) Gen. Hqrs. hruaitu te chuan nimin khan Mizoram Scholarship Board Secretary, Dr. Rualthansanga chu a Pisa ah kawmin Scholarship chungchanga zirlaiten harsatna hrang hrang an tawh \hin te an sawipui.

He hunah hian MZP hruaitute chuan scholarship form dahkhah sual vang leh chhan hrang hrang avanga zirlai tam takin an chanvo tur Scholarship an dawn theih loh phah \hin chu \halo an tih thu sawiin, Scholarship diltu zirlai zawng zawng ten kokim taka scholarship an dawn theih nan complain na hun siam a, zirlaiten an tih dik loh lai hrilh hria a siam\hatna hun pe turin Scholarship Board Secretary chu an ngen a ni. MZP in scholarship diltute form lo ennawn sak a, a diklo lai lo chhuichhuah sak \hin tura an ngenna chu Mizoram Scholarship Board Secretary chuan theihtawp lo chhuahpui tiamin Scholarship diltu zawng zawng ten an hmuh \heuh theih nan MZP ngenna chu lo bawhzui sak zel a tiam a ni. MZP chuan Mizoram pawn lama scholarship diltu zirlaiten awlsam zawka scholarship an buaipui theih nan leh an zirna chungchanga an harsatna te an thlen theih nan Mizoram House hrang hrangah Students Help Line siam turin sorkar ah ngenna a thlen dawn a, Mizoram chhung leh pawn lama Mizo zirlai scholarship diltu harsatna nei reng reng te chuan a rang thei ang berin an harsatna te Scholarship Board leh MZP Pisa Puiah thlen \hin turin a chah bawk a ni.