India rama FAO hotu pawimawh ten NLUP en turin Mizoram an rawn tlawh.

United Nations hnuaia Food & Agriculture Organisation (FAO) India Representative leh a hotu lu ber Dr. Peter Kenmore, PhD (Agriculture cology) leh a team te chuan Mizoram sorkar NLUP kalpui dan rawn thlithlai turin nimin khan Aizawl an rawn thleng.

United Nations hnuaia Food & Agriculture Organisation (FAO) India Representative leh a team te hian nimin khan NLUP Nodal Minister Pu H.Liansailova chu a office ah an hmu nghal a, Pu Liansailova chuan NLUP chungchanga Mizoram sorkar hmalakna leh project dinhmun tlangpui te lo hrilhin, Dr.Kenmore chuan Bangladesh Chittagong Hilltracts leh Nepal ah te NLUP ang project hi kalpui ve a nih thu sawiin, heng ram pahnih te hi FAO-in a puih dan te a sawi a. Heng ram pahniha FAO hmalakna te nen Mizoram sorkar NLUP chu thlunzawm tura thawhhona kawng dap chu phurawm a tih thu sawiin, NLUP atana Mizoram in technical support a mamawh te pe turin FAO chu a \angkai thei dawn niin a tarlang.
    Dr.Kenmore hi a nupui, Pi Zenaida Flores Kenmore M.Sc, M.A (Anthropology) leh Dr. Antonia Patiwal PhD(Agro-Forestry) ten an rawn \awiawm a, nimin vek khan Chief Secretary Pi L.Tochhong leh mi pawimawh dangte nen meeting an neih bakah Chief Minister, Pu Lal Thanhawla pawh an kawm leh nghal bawk a ni. Ruahman lawk ang chuan heng mite hian tukin hian Aizawl chhuahsanin Ser-chhip District an rawn tlawh dawn a, Baktawng Tlang-nuam-a Aloe Vera sawngbawlna leh hmun pawimawh dangte tlawhin hemi hnu hian Serchhip-ah DC leh sorkar mi pawimawh te an kawm dawn bawk a, chawhnu lamah Thenzawl pawh tlawhin puan tahna hmun te an tlawh hnuah Aizawl lam an pan leh dawn a, naktuk ah Aizawl khaw-hnaivai a hmalakna te tlawh lehin naktip khian Mizoram an chhuahsan leh dawn a ni.