Serchhip news chilhkhawm :

Pu B. Lalana boral
@@Nimin tlai dar 5:20 vel khan Pu B. Lalana (66), Pi Lalhmangaih-sangi (Seni) pasal, Serchhip Tui-khuah Veng chu Pumpui na vangin Aizawl Civil Hospital-ah a boral a, a ruang hi Serchhip-ah rawn lak niin lumen a nih hnuah Vawiin hian vuiliam a ni ang.

Thlai chingtute training
@@Serchhip-a Horticulture Department chuan Vawiin chhun dar 12:00 hian an Offfice-a Training Hall-ah Serchhip-a Thlasik thlai chingtute tan thlai chin dan chungchang zirhona an buatsaih dawn a, mithiam thlan bik ten Thlasik thlai chingtute hi zirtirna an pe ang.

Beihrual thla hmang mek
@@ Serchhipa Kohhran te chuan beihrual thla an hmang mek a, Beihrual thla hi Presbyterian, Baptist Church of Mizoram, UPC (NEI) leh UPC (Mz) te chuan an hmang nia thudawn niin Roman Catholic chuan thla thar (October) khian an hmang thung ang.