Insuihkhawm duhna rilru hi a thi ngailo - Chief Minister

Chief Minister Pu Lal Thanhawla chuan, “Mizoram hi Zohnathlak te tan kan Jerusalem a ni a. India ramah leh khawvel hmun hrang hrangah awm darh mah ila, insuihkhawm duhna rilru hi a thi ngai lo a ni,” a ti.

He thu hi Mizoram chhim lama Laki khua leh Paletwa inkara kawngpui laih tur lungphum phumna niminpiah a neih a hmanpuina ah sawiin Chief Minister chuan Mizoram tih loh-ah chuan Zohnathlak ten mahnia ro kan inrel ve thei hmun hi a awm loh avangin, Zohnathlak hmun hrang hranga awm ten Inpui berah min lo neih pawhin, Inpui nghaktu rilru pua kan puan in te lo zauhva, midangte tana malsawmna kan lo nih hi kan Kristianna nen pawh a inhmeh hle a ni, a ti a. Zohnathlakte hian khawiah pawh awm ila, kan awmna piangah khua leh tui rinawm leh \ha, taima leh hlawhtling nih \heuh tum ila, mi dangte tana hnawksak ni lo va malsawmna ni \heuh kan tum chuan, kan chhehvela ringlo mi te hian Zohnathlakte biak Pathian Nung hmel hi an lo hmu ve thei ang, a ti bawk. Hei bakah hian Chief Minister chuan Mizoram sorkar hmalakna hrang hrang leh hmachhawp te sawiin, sorkar flagship programme NLUP 4th phase chu September thla chhunga sem tum a nih thu leh Chief Minister NLUP Special package pawh district \henkhatah sem a ni tawh tih sawiin, ‘District dangah pawh sem chhunzawm zel a ni ang,’ a ti a, sokar laipui a\anga NLUP tur chhungkaw 15000 tan sum dilchhuah tawh niin, chhungkua 1,20,000 ni tawh lovin NLUP hian Chhungkaw 1,35,000 a tuam tawh zawk dawn a ni, a ti bawk.