MZP Assembly neiin hruaitu thlanna nei

Mizo Zirlai Pawl (MZP) rorelna sang ber, Assembly chu nimin khan Aizawl-a Vanapa Hall-ah neih a ni a, he hunah hian MZP Gen. Hqrs. hruaitu thlanna neih nghal a ni bawk.

Nimin a MZP Assembly rorelna hunah hian thu ngaihtuah tura chhawpchhuah 8 awmin heng te hi a vaia pawm vek a ni a, heng zingah hian Mizoram-a College hrang hranga Lecturer an indaih theih nan College hrang hranga Lecturer attached-a awm te anmahni thawhna \heuha dah an nih theihna tura hmalak te, zirna In hrang hranga naupang bag ah rit lutuk chhawk zangkhai a nih theihna tura thuneittute hnena thlen te, Mizoram-a zirna In hrang hrang hun (\an hun leh ban hun) ti danglam tura hmalak te, Mizo nationalism chungchang inzirtirna uar zawka kalpui te, Mizoram-a zirna dinhmun zirchiana a \ul anga hmalak te, Comprehensive Continuous Evaluation (CCE) kan hman mek chu a \hat leh \hatloh zirchian te, Mizoram Sorkar hnuaia hnathawkte pension age (kum) tih san a nih tawh loh nan hmalak leh kum 2014 chhunga 'ZOFESH' (Zo hnam inkhawmpui) neih rawtna te a tel a ni. Hemi hnu hian kum 2013-2015 chhunga MZP Gen. Hqrs. hruaitu thlanna neiin President-ah Lalhmachhuana, Vice President-ah Lalsangzuala Ngente, Gen. Secretary-ah L. Ramdinliana Renthlei, Asst. Gen. Secretary-ah Joseph K.Zohmingliana, Treasurer-ah R. Lalrokima leh Fin. Secretary-ah Michael Lalramsanga te thlan tlin an ni.