Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip news tawi :


@@ Serchhip Forest Range hnuaia NLUP hnuaia Mau chin thlangtute hnenah nimin khan NLUP \anpuina sem chhun-zawm leh a ni a, tun \umah hian 2nd Phase-a \anpuina dawngtu chhungkaw 43 te hnenah \anpuina hnuhnung ber tur Rs. 2800/- \heuh sem a ni bakah NLUP 3rd Phase a chhungkaw 9 leh 4th Phase-a chhungkaw 20 te hnenah 1st Instalment Rs. 10,032/- \heuh sem a ni bawk a, heng \anpuina te hi Mau hmun tur vahna tur leh a hmunhma buatsaihna tur a ni.

@@ Serchhip District Football Association (SDFA) buatsaih Lal-sawmliani & Lal Thanchunga Memorial Football Running Trophy vawi 13-na chu nimin khan Ser-chhip Khawtetlang Field-ah khelh \an a ni a, Serchhip Joint VC Chairman, Pu Lalramliana Sailo, Doners Family aiawh ni bawk chuan he Tournament hi a hawng a ni. Tun \uma L&L Football Tournament-ah hian Team 20 telin an zingah hian FC Kulikawn, Aizawl an tel a ni.

@@ Kumin a YMA General Conference neih tur atan Programme tihchhuah a ni ta a, Sub-Hqrs. YMA in item nei tura a ruat zingah Sub-Hqrs. YMA Zaipawl chu Rorel inkhawm hlana Variety programme a zai turah tih an nih bakah hruaitu thlanna a zai tura tih an ni a, rorel inkhawm hlana Variety programme ah hian K. Lalnunsiami, P&E Veng Branch chu zai tura tih a nih bakah hruaitu thlanna ah hian Laithangpuii, S. Kawnpui North Branch pawh zai tura tih a ni bawk a, Oct. 16 zana vantlang inkhawm ah H. Lalrempuia, Chhiahtlang Hmar Veng Branch chu a zai bawk ang.

Comments

Popular News (Last 30 Days)