‘Decentralized Governance’ chungchang zirhona neih a ni.

Nimin khan First Mizoram Finance Commission chuan Aijal Club Conference Hall-ah ‘Decentralized Governance” chungchang zirhona seminar a buatsaih.

Mizoram Finance Commmission chuan khawvel zau zawk leh India ramchhung hmundanga tualchhung sorkar (local self-government units) an kalpui dan te leh hemi kawnga Mizoram dinhmun zirchiang tur leh rawtna te chhawpchhuah turin North Eastern Hill University (NEHU)-a Professor Emeritus, Dr. C. Nunthara chu a ruai a. Research Project, a hmingah “Mizoram - Assessing the Achievement in Decentralized Governance in the Wake of Emerging Trends in the World” tih kalpuiin, he research a\anga zirchhuahte seminar-ah hian sawiho a ni. Chawhma lamah khawvel zau zawk leh India ram hmundanga kalphung tlangpui zirho niin, chawhnu lamah Mizoram dinhmun leh hmathlir te zirho a ni. He Seminar-ah hian University a\anga mithiam thlanchhuahte, Sorkara hna sang leh pawimawh chelh tawh, tawnhriat ngah senior officers hluite, autonomous district council te leh Aizawl Municipal Council aiawhte, district hrang hranga Village Council Association aiawhte, NGO aiawhte leh mithiam dangte sawm an ni. Mizoram Finance Commission chuan a hnathawh tur (Terms of Reference) chungchangah mithiam leh a duh apiangte hnen a\anga thurawn a dawn theih reng thu leh, chutianga thurawn pe tur pawhin mipuite a sawm a. Hriatchian tur neite tan Commission website http://mizofincom.nic.in tlawh thin turin a sawm bawk.